الصخب الاعلامى فى مصر

علشان اللى بيحصل فى كل حتة الواحد حصل له يأس فى البلد من اللى يحصل تقرا فى جورنال الاهرام تلاقى ان البلد مية فل و14 تقرأ فى الاخبار تلاقى ان الوضع تمام ولو مشيت على عجين مايتلخبطش ولو قريت فى الجمهورية تلاقى ان الوضع فيها ان البلد حلوة بس فى شوية اسمهم الاخوان هما اللى مبهدلين الدنيا وخاربينها يعني من الاخر ان الحكومة والحزب الواطى (الوطنى) هو اللى بيحارب الغلاء وهو اللى بيحارب الفساد والمفسدين من الاخوان وامثالهم ده مكان تشوف فيه العجب مكان تانى وده مكان افظع من الاول وهو ان واحد صاحبي راح مستشفى الشرطة يجيب منها دواء لاخوه الاكبر منه وانتظر وهو فى الانتظار وجد مجلة وحس فيها ان البلد مية مية ومافيهاش حاجه غلط نروح مكان تانى وهو جرايد المعارضة بداية المصري اليوم ليها سياسة غريبة جدا وهو تقول انها مستقلة يعني ممكن تشتم فى الدستور وفى المعارضة فى مقابل ان تقوم تشتم النظام وتعالوا للدستور اللى حكايتها حكاية معانا وهى انها مهما عمل النظام هتشتمه هتشمته حتى لو عمل حاجه صح فى يوم من الايام ودى سياستهم نعمل لهم ايه ودى سياسة ابراهيم عيسي نفسه كمان اللى يحب المنظرة كمان اما فى باقى الجرايد فحدث ولا حرج نصهم هنا والنص التانى عايش فى الوهم الجريدة اللى اتوقع ان يكون ليها صدي الفترة القادمة جريدة البديل
دى دايرة الاعلام المصري اللى احنا ماشيين فيها هتلف تلف وماتعرفلهاش نهاية ولكن بداية الديرة لما نقف كلنا فى مكان واحد ونقول دى البداية مش اللى عاوز يمشينا ويقول لنا ان البداية هنا نصدقه تعالوا مع بعضنا نقف فى مكان واحد ونقول دى البداية